Ушбу асарда муаллиф Наврўз байрамининг келиб чиқиши, тарихий илдизлари ва асрлар давомида шаклланган анъаналарини илмий-тарихий манбалар асосида тадқиқ этади. Китобда Наврўзнинг қадимги Шарқ цивилизациясидаги ўрни, унинг зардуштийлик даври билан боғлиқ жиҳатлари, шунингдек, Марказий Осиё халқлари маданий ҳаётида тутган аҳамияти ёритилган. Муаллиф байрамнинг турли даврлардаги тақдири, айрим сиёсий тузумлар шароитида муносабат ва чекловлар, мустақиллик йилларида эса миллий қадрият сифатида қайта тикланиши масалаларини таҳлил қилади. Асарда Наврўз билан боғлиқ урф-одатлар, маросимлар, халқ оғзаки ижоди намуналари ҳам кенг ёритилган.Китоб миллий ўзликни англаш, маданий меросни асраб-авайлаш ва Наврўзнинг маънавий-тарбиявий аҳамиятини очиб беришда муҳим манба ҳисобланади.