Ушбу лугатда иш юритиш амалиётида энг кўп учрайдиган асосий терминлар, сўз бирикмалари, ўзгармас қолипдаги иборалар берилган. Шунингдек, унга шу кунларда ривожланиб бораётган бозор иқтисодига оид баъзи терминлар ҳам киритилган. Бироқ, луғатнинг таржимага мўлжалланганлигини ҳисобга олиб, унда юқоридаги сингари терминлар маъноси деярли изоҳланмаган. Ўйлаймизки, китобхонда уларнинг маъновий жиҳати ҳақида анчагина аниқ тасаввур бор. Луғатнинг тузилиш тартиби ҳақида қуйидагиларни айтиш мумкин:Луғат мақолалари ҳам тўғри тартибда (сўз ва сўз бирикмаларини мунтазам алифбо тартибида бериш), ҳам бош (асосий) сўзни ажратиб кўрсатиш асосида тузилган. Бунда таркибида тобе суз бўлган луғат мақоласида асосий сўз ўзгаришсиз такрорланган ўринда тире белгиси қўйилган.