Tilshunoslik fanining obyekti bo'lmish til naqadar murakkab va shu bilan birga qiymati yo'q bir hodisa ekanligini tushuntirib o'tirishga hojat bo'lmasa kerak. Chunki barcha bilimlarimizning asosida til yotadi. O'tmish, tariximizni til orqali, til tomonidan berilgan imkoniyat darajasida bilishimiz mumkin. Tilda o'z aksini topgan voqea-hodisalargina barcha sohalardagi bilimimizni belgilaydi. Istiqbolni ko'rish, u to'g'risida boshqalarni xabardor etish ham til deb ataluvchi hodisa orqali amalga oshiriladi. O'zligimizni anglash, ichki hissiyotlarimizni tushunish, ularni ifoda etish ham tilimizga, uning bizga bergan imkoniyatlariga bog'liq. Jamiyatni jamiyat, uning rivojini, gullab-yashnashini, taraqqiyotini ta'minlovchi vosita bu tildir.