Инглиз адабиёти классиги, санъатда нозик нафосат учун курашган шоир, прозаик ва драматург Оскар Уайльд болалар учун ҳам кўплаб ажойиб эртаклар ёзган. У мазкур тўпламдан жой олган "Бахтли шаҳзода", "Садоқатли дўст", "Атиргул ва булбул" каби қатор асарларида болаларни ҳам, катта ёшдагиларни ҳам қизиқтирувчи ва ҳаяжонга солувчи маънавий муаммолар - яхшилик, дўстлик, садоқат, мардликни ардоқлайди, мақтанчоқлик, қуруқлик, хиёнат, худбинлик каби иллатларга қарши ўт очади.