Ўзбек ва қозоқ халқи азал- азалдан дўст ва туғишган халқ. Улар тарих синовларини ҳамиша биргаликда бошидан кечириб, энг қийин вазиятларда ҳам бир-биридан юз ўгирмаган. Қозоқ халқининг ўз даштларидек бағрикенглиги, қалбининг ложувард осмондек мусаффолиги унинг кўп асрлик адабиётида, хусусан, шеъриятида ёрқин акс этган. Таниқли шоир ва таржимон, Б .Пастернак ҳамда ”А лаш ” мукофотлари совриндори Мирпўлат Мирзонинг қўлингиздаги таржималари мажмуаси билан танишар экансиз, қардош ва қадрдон халқ ҳақида айтилган фикрларга яна бир карра амин бўласиз.