Рисола совет навоийшунослиги тарихига бағишланади. Унда Алишер Навоийнинг таржимаи ҳоли, айниқса шоир ҳаётининг Машҳад ва Самарқанд даври, Абуллайсийлар хонадони билан яқинлашиш сабаблари, Абдураҳмон Жомий билан илк учрашуви, улкан алломанинг дастхатига доир илмий мақолалар таҳлилга жалб этилади. Шунингдек, Алишер Навоий ва форс-тожик адабиёти, «Хамса» ҳамда хамсачилик анъанаси мавзуидаги баъзи тадқиқотлар диққат марказида туради. Ўртага қўйилган мазкур масалаларни ёритишда айрим навоийшуносларнинг илмий кузатишлари таянч сифатида қабул қилинади. Улуғ ўзбек шоири таваллудининг 550 йиллик тўйига тўёна сифатида пайдо бўлган рисола кенг китобхонлар оммасига мўлжалланган.