“Idiom in Speech” Ushbu ish nutq jarayonida idiomalarning o‘rni va funksiyasini o‘rganishga bag‘ishlangan. Idiomlar — ma’nosi tarkibiy qismlarining bevosita ma’nosidan farq qiladigan barqaror frazeologik birikmalar bo‘lib, ular nutqqa obrazlilik, emosional ifoda va milliy-madaniy mazmun bag‘ishlaydi. Tadqiqotda idiomalarning lingvistik tabiati, ularning struktural xususiyatlari hamda semantik ko‘p qatlamliligi tahlil qilinadi. Annotatsiya idiomalarning kundalik suhbatdan tortib badiiy matnlargacha bo‘lgan turli kommunikativ vaziyatlardagi rolini yoritadi. Shuningdek, idiomalarning madaniy kod sifatidagi funksiyasi, ularning milliy mentalitetni aks ettirishi va til o‘rganuvchilar uchun qiyinchilik tug‘diruvchi jihatlari ko‘rsatib beriladi. Nutq jarayonida idiomalardan to‘g‘ri foydalanish nutqning tabiiyligi va stilistik boyligini ta’minlaydi. Ushbu ish idiomalarning kommunikativ samaradorlikka qo‘shadigan hissasini, ularning tarjima jarayonidagi o‘rni va semantik mos ekvivalentlarni tanlashdagi muammolarini ham yoritadi. Tadqiqot natijalari tilshunoslik, frazeologiya, tarjimashunoslik va amaliy til o‘qitish sohalari uchun foydali hisoblanadi.