Ushbu ma’ruzalar kursiga makroiqtisodiyot faniga oid asosiy mavzular kiritilgan bo‘lib, unda makroiqtisodiy darajada mavjud qonuniyatlar, makroiqtisodiy muammo va jarayonlar atroflicha yoritilgan. Ma’ruzalar kursining asosini Toshkent davlat sharqshunoslik institutida o‘qitilayotgan makroiqtisodiyot fanining ma’ruzalar matni tashkil etadi. Ko‘rib chiqilayotgan makroiqtisodiy muammolar mavjud chizma (grafik)lar, formulalar orqali tushuntirib berilgan. Har bir mavzuda ko‘rib chiqiladigan savollar, tayanch ibora, adabiyot va takrorlash uchun savollar mavjud. Ma’ruzalar kursi oliy ta’lim tizimida tahsil olayotgan iqtisodiyot yo‘nalishidagi barcha talabalar uchun mo‘ljallangan.