Xoreografiya va raqs san'ati asoslari nomli darslik san'at va madaniyat instituti talabalari uchun mo'ljallangan. Unda xoreografiya va raqs san'ati asoslarini o'rgatuvchi barcha fanlar yoritib berilgan. Xoreografiya va raqs san'ati asoslari, tarixi, xususiyatlari, qonuniyatlari kabilarga batafsil to'xtalingan. Negaki bo'lajak san'atshunos, teatrshunoslar xoreografiya va raqs san'ati nazariyasini bilishlari kerak hamda klassik va milliy raqslarni ijro eta olishlari zarur. Shu bilan birga, har bir millat harakteri va davr etikasi, madaniyati, raqs liboslari va bezaklarini bir-biridan ajrata olish imkoniyatini ham beradi. Shu sababli, darslikda xoreografiya va raqs san'atini batafsil o'rgatishga harakat qilingan. Darslikdan barcha qiziquvchilar ham foydalanishlari mumkin.