Жаҳон адабиётида детектив асарлар ўзига хослиги билан ажралиб туради. Бундай асарларнинг китобхонни ўзига жалб этишига асосий сабаб - тасвирланаётган воқеа худди “жуда узун топишмоқ "қа ўхшайди. Содир этилган жиноят ёки бирор ҳодисанинг асл кўриниши, яъни “топишмоқ”нинг жавоби асарнинг сўнгидагина баён этилади. Воқеалар ривожи ва ҳақиқатни билишга бўлган қизиқиш китобхонни асар сўнггигача уни “нафас олмай ” ўқишига сабаб бўлади. Энг асосийси, кирдикорларини яширишга уринаётган жиноят- чининг ҳақиқий башараси фош этилади.