Chippolinoning g‘aroyib sarguzashtlari, u ko‘rsatgan jasorat va mardliklar esingizda bo‘lsa kerak. Mana, siz o‘sha ajoyib voqealar muallif, italyan adibi Janni Rodari bilan yana bir bor uchrashyapsiz. Bu kitobda uning «Uch xotimali ertaklar» va «Jelsomino Yolg‘onchilar mamlakatida» asarlari bilan tanishasiz. «Uch xotimali ertaklar»da voqea ma’lum nuqtagacha bayon qilinadi-da, so‘ng u uch xil yakunlanadi. Agar siz topag‘onlik qilib, bu ertaklarni boshqacharoq yakunlasangiz va uni o‘rtoqlaringizga, ukalaringizga aytib bersangiz yanada yaxshi.