Халқ оғзаки ижоди миллат кўзгусидир.Бу шундай кўзгуки,унда бир миллатнинг ўтмиши,келиб чиқиши бор бўй-басти билан гавдаланади.Бугина эмас,биз миллатнинг бугунги аҳволини таҳлил қилмоқчи бўлсак ҳам халқ оғзаки ижодига юзланамиз. Ўзбек халқ оғзаки ижодичалик ранг-баранг,сара ва мукаммал хазинани топиш маҳол.Иккита сўздан иборат мақоллардан тортиб,юзлаб саҳифаларни банд қилган достонларгача бу хилма-хилликдан баҳраманд бўлишингиз мумкин.Топишмоқлар,чалдирмоқлар,қўшиқлар,эртаклар маънавий хазинамиз нақадар бойлигини кўрсатади.Жаҳон адабиёти миқёсида олсак ҳам,халқ оғзаки ижоди ва мифология қайта-қайта мурожаат қилинадиган қизиқарли мавзудир. Биз бир гуруҳ фолклоршунос олимлар ва нашриёт жамоаси сиз китобхонларга мана шу хазинани илинишни мақсад қилганмиз.Зеро,ўзлигини,ўтмишини,қаердан келганини англаган авлодларгина муносиб келажак яратишга қодирдирлар.