Ёзувчи Ўроз Ҳайдарнинг мазкур китобида унинг "Талваса" романи ҳамда бир қанча ҳикоялар ўрин олган. Муаллиф узоқ йиллардан бери ички ишлар идораларида хизмат қилиб келаётганлиги боис асарларида ҳам ўша соҳа билан боғлиқ воқеа-ҳодисаларни ёритишга ҳаракат қилади. Фоҳишабозлик, гиёҳвандлик, қотиллик, ўғрилик, эл-юрт бойликларини талон-торож қилишни касб қилиб олган кимсаларга қарши кураш жараёнларини ёрқин лавҳаларда акс эттиришга интилади. Ўйлаймизки, муаллифнинг навбатдаги асари ҳам ўқувчини бефарқ қолдирмайди.