Atoqli fors-tojik shoiri Nosir Xisravdan (1004-1088) avlodlarga meros bo'lib qolgan ko'plab qimmatli nazmiy va nasriy asarlar orasida "Safarnoma" asari alohida ajralib turadi. Shoir ushbu nasriy kitobida o'zining g'arbiy o'lkalarga qilgan va yetti yil (1045-1052) davom etgan ajoyib va g'aroyib sayohati xotiralarini tasvirlagan. Nosir Xisrav o'zi sayohat qilib o'tgan Eron, Armaniston, Ozarbayjon, Suriya, Misr, Arabiston, Iroq diyorlaridagi Tabriz, Qohira, Quddus, Makka, Lah- so, Yaman, Basra, Isfahon va boshqa bir qator shahar va viloyatlarning o'sha davrdagi manzaralarini jonli va qiziqarli tarzda kitobxon ko'z o'ngida gavdalantiradi. O'zi muloqot qilgan oddiy va mashhur odamlar, turli xalqlar va qabilalarning urf-odatlari va turmushi haqida ma'lumot beradi. Qariyb ming yil ilgari ulug' ajdodimiz tomonidan yaratilgan ushbu nodir asar o'zbek tilida ilk bor kitob holida nashr etildi