Monografiyada tadqiqot ob'yektining qisqacha tavsifi, tuproq unumdorligini qayta tiklash va uni modellashtirish bo'yicha tadqiqotlarning hozirgi holati, tuproq unumdorligini keng takroriy qayta tiklash, tuproq unumdorligi va uni modellashtirish, tuproq unumdorligi parametrlari hisoblangan gumus va oziqa elementlar, tuproqlarning agrofizik xususiyatlari, bioekologik va genetik-geografik sharoitlari hamda tuproq unumdorligi modellari to'g'risidagi ma'lumotlarning tavsifi berilgan. Bundan tashqari, sug'oriladigan tuproqlarning sifatini baholash tamoyillari va uslublari, ularning sifat ko'rsatkichlari hamda intensiv dehqonchilik tizimida sug'oriladigan tuproqlarning unumdorligini saqlash va qayta tiklashning ilmiy asoslari yoritilgan. Kitob tuproqshunoslar, agrokimyogarlar, qishloq xoʻjaligi mutaxassislari, tuproqshunoslik va agrokimyo yo'nalishi mavjud Oliy ta'lim muassasalari talabalari, magistrlari hamda katta ilmiy xodim izlanuvchilar uchun mo'ljallangan.