Ўзбекистон халқ шоири Сирожиддин Саййиднинг устозлар мактаби ва тажрибасидан ибрат олиб ёзган «Юз оҳ, Заҳириддин Муҳаммад Бобур…» достони янгича йўли, ўзига хос услуб ва тузилмаси, шоҳ ва шоир бобомиз- нинг асосан ички - руҳий ва қалбий кечинмалари, ўй ва изтиробларини очиб бериши билан эътиборга моликдир. Ҳозирги замон ўқувчиси, айниқса ёшлар учун тил, тарих ва адабиётни ўрганмоқлари йўлида мазкур асар ҳам фойдадан холи бўлмайди, деган умидимиз бор. Китобда Ўзбекистон халқ рассоми Хуршид Назиров чизган миниатюралардан фойдаланилди.