Kitob XIX asr oxiri va XX asr boshidagi she'riyatimiz takomiliga katta hissa qo'shgan o'zlarigacha bo'lgan adabiy an'analardan bahramand bo'lish bilan birga, ularni mazmun va shakl jihatdan boyitgan va takomillashtirgan Komil (1825-1899) va Avazning (1884 -1919) ijodi, ular she'riyatining badiiyati tahlil qilinadi. Komil she'riyatda demokratik yo'nalishni belgilovchilardan biri, tarjimon, musiqa ilmi ustozi hamda davlat arbobi sifatida tanilgan bo'lsa, Avaz an'anaviy va ma'rifatparvarlik ruhidagi she'rlari bilan mashhur bo'lgan. Kitobdan o'zbek filologiyasi fakulteti professor-o'qituvchilari, talabalari hamda Komil va Avaz ijodiga qiziquvchilar foydalanishlari mumkin.