Филология фанлари доктори, профессор Ҳамдам Абдуллаев қиёсий адабиётшунослик муаммолари бўйича таниқли олим. Унинг илмий изланишларида туркий халқлар фольклори ва ёзма адабиётнинг ўзаро алоқалари ва типологияси масалалари асосий ўрин тутади. Хусусан, Махтумкули ва ўзбек адабиёти йўналишида бадиий ижод, ўзбек ва қорақалпок достончилиги бўйича оғзаки ижоддаги ҳамкорлик, ўзаро таъсир ва ҳозирги шеъриятга бағишланган монография, рисола ва мақолалари илмий жамоатчиликка яхши маълум. Муаллифнинг ушбу тўпламга кирган мақолалари ана шу кўп йиллик изланишлардан сараланган ва янгидан сайқалланган намуналардир.