Истиқлол туфайли миллий қадрият ва урф-одатларимиз тикланмоқда, бой тарихимиз катта қизиқиш билан ўрганилмокда. Хусусан, ўтган йилларда тарихий шаҳарларимиз ҳамда улуғ алломаларимизнинг сана туйларини кенг нишонладик. Натижада улуғ зотларимизнинг бебахо асарлари яна халқимиз мулкига айланди. Миллий курашимиз эса дунё миқёсига кўтарилди. Бугунги кунда ўзбек курашини билмайдиган киши дунёда кам топилади. Ушбу китобдан ўрин олган қиссаларда афсонавий аждодимиз Ўғузхон ва миллий курашимиз довруғини кўтарган полвоннинг халқимиз олдидаги хизматлари ҳақида сўз юритилади. Китобга киритилган хикоялар ҳам кўпроқ ана шу жиҳатлари билан китобхон эътиборини тортса ажаб эмас.