Ушбу ўқув қўлланмада Ўзбекистон Республикаси Президенти Ислом Каримовнинг «Она юртимиз бахту иқболи ва буюк келажаги йўлида хизмат қилиш - энг олий саодатдир» китобининг маъно-мазмуни, унда илгари сурилган концептуал қараш ва ғояларнинг мамлакатимизнинг келгуси тараққиёти, халқимиз фаровонлигини юксалтириш, ёш авлодни Ватанга муҳаббат ва садоқат рўҳида тарбиялаш борасидаги аҳамияти ҳақида атрофлича фикр юритилган. Ҳар бир мавзу юзасидан таҳлилий материаллар, назарий-методик ишланма ва тавсиялар берилган. Мазкур тўплам олий ва ўрта махсус таълим муассасаларининг профессор-ўқитувчилари, илмий ходимлар, талаба ва ўқувчилар, умуман, мамлакатимизнинг мустақиллик йилларида эришган ютуқлари ва истиқбол режалари ҳақида чуқур маълумот ҳамда тасаввурга эга бўлишни истаган кенг китобхонлар учун мўлжалланган.