Xorijiy tajribalarga tayangan holda yaratilgan mazkur darslik bakalavr yo‘nalishlarining ta’lim qardosh tillarda olib boriladigan guruhlarida tahsil olayotgan talabalar uchun mo‘ljallangan. Darslik kundalik, o‘quv, ishlab chiqarish va madaniy hayotda o‘zbek tilida muloqot qilish, ilmiy va kasbiy faoliyat olib borishga nazariy, amaliy tayyorlash uchun xizmat qiluvchi matnlar, audio va videotasmalardagi yozuvlar, mashq hamda topshiriqlarni jamlagan. U bo‘lajak mutaxassislar va mehnat faoliyatida band bo‘lgan xodimlarning nutqiy va lingvistik kompetensiyalarini shakllantirishga xizmat qiladi. Darslikdan o‘zbek tilini B2 darajada bilishni sertifikatlashtirish uchun imtihonlarga tayyorlanishda ham foydalanilishi mumkin.