Qon ikki qismdan — shaklli elementlar va plazmadan iborat. Bi- ologik tekshirishlar uchun sof qon, qon plazmasi va qon zardobi ishla- tiladi. Qon tarkibidagi shaklli elementlar ajratib olinsa, plazma qoladi. Plazmadan fibrin ajratib olinsa qon zardobi qoladi. To‘qimalararo suyuqliklar bilan plazmaning biokimyoviy tarkibi nisbatan bir xil bo‘ladi. To‘qima va hujayralardagi biokimyoviy o‘zgarishlarni bilish maqsadi- da, aksariyat hollarda, qon plazmasi yoki qon zardobi tarkibidagi komponentlarning konsentratsiyasi aniqlanadi. Plazma (zardob) tarkibida yuzlab har xil oqsillar mavjud bo‘lib, ular 6,5 - 8,5 g % tashkil etgani holda boshqa moddalarning miqdori nisbatan ancha kam foizni tashkil etadi. Organizmdagi fiziologik, patologik jarayonlarda oqsillarning tutgan o‘mi juda muhim hisoblanadi. Qon plazmasi (zardobi) tarkibidagi umumiy oqsil va uning fraksiyalari miqdorini aniqlash diagnostik va prognostik ahamiyatga ega. Albuminlar, globulinlar va fibrinogenlarga o‘xshash oqsillar qon plazmasi tarkibida ko‘p miqdorni tashkil etadi. Qon zardobini bunday fraksiyalarga ajra- tish yordamida olish mumkin.