Бедил — форс-тожик мумтоз шеъриятининг забардаст вакили, руҳият ғазалиётининг ўхшаши йўқ намояндаси, жамият ва табиат сирсиноатларини файласуфона таҳлил ва тадқиқ этган буюк шоир бўлиб, ғазал ихлосмандларининг ҳар бир янги авлоди уни янгича кашф этиши муқаррардир. Унинг шеърий фикрлари, ташбеҳлари ва сеҳрли тили ўз ифорини ҳамиша уфуриб туришига аминмиз. Ундан илғаб оладиган маъноларимиз маънавиятимиз сандиғига қўшилган дуру жавоҳирлар кабидир...