Darslik tarixiy tadqiqotlar metodologiyasi va zamonaviy usullarini o‘rganishga bag‘ishlangan. Unda tarix fanining maxsus usullari bilan birgalikda ilmiy tadqiqotlarning umumiy usullari, shuningdek, boshqa fanlardan tarix faniga o‘tgan usullar tahlil qilinadi. Bundan tashqari, darslikda jahon tarixshunosligida XX asrning o‘rtalaridan boshlab paydo bo‘la boshlagan hamda tarixiy bilimlarning yangi paradigmalariga aylangan yangi yo‘nalishlarga alohida e’tibor qaratiladi. Talabalar bu o‘quv kursidan, birinchidan, tarixiy tadqiqot usullari va yo‘nalishlari haqidagi nazariy bilimga ega bo‘lsa, ikkinchidan, ularni zamonaviy tarixiy tadqiqotlarda qanday qo‘llash mumkinligini o‘rganadi.