Таниқли шоира ва журналист Умида Абдуазимованинг номи китобхонларга яхши таниш. Унинг кўплаб шеърий ва публицтик китоблари, дилбар қўшиқлари халқимизнинг кўнгил мулкига айланиб улгургани шубҳасиз. Адибанинг "Ойдин орзулар" деб номланган ушбу мажмуасидан ҳам унинг қаламидан зийнат топган, шоирона лутфи ила камолот касб этган бадиий лавҳалар, эл ардоғидаги шоир ва санъат дарғалари билан субҳбатлар ҳамда турли мавзулардаги бадиалари ўрин олган.