Соқоли кўксига тушадиган бир мусаввир йигит ногаҳон ғарбда русум бўлган услуб яланғоч аёллар сувратини чизиш масаласида гапириб кетди. У рассом ялан- ғоч аёл сувратини чизаётганда бадан ҳақида эмас, балки Парвардигор инсон зотига туҳфа этган илоҳий гўзал- лик тўғрисида ўйлашини, бинобарин, бу сувратни томоша қилувчи киши ҳам қаршисидаги тана хусусида эмас, мислсиз, беназир чирой борасида фикр юритмоғи, яъни қалбида ҳирсу ҳавасдан тамоман бегона, нақадар юксак ҳайрат, завқу шавқ ҳис этмоғи лозимлигини уқти- ришга зўр бериб уринди.