Азиз китобхон, сизга яхши маълумки, жаҳон тараққиётида ҳамиша муҳим ўрин тутиб келган, буюк карвон йўллари, турли цивилизациялар чорраҳасида жойлашган Марказий Осиё халқларининг ҳар бири ўзининг қадимий тарихи ва маданияти, бетакрор анъана ва қадриятлари билан алоҳида ажралиб туради. Айни вақтда уларни бирлаштирадиган умумий бир хусусият борки, у, аввало, мард ва олижаноб халқларимизнинг азал-азалдан қон-қардошлик, яхши қўшничилик, дўстлик ва ҳамжиҳатлик руҳида яшаб, қийинчилик ва муаммоларни биргаликда енгиб, қувонч ва шодлигини ўзаро баҳам кўриб,умумий келажакни яқин ҳамкорликда қуришга интилиб келаётгаиида яққол намоён бўлади.