Ushbu bolalar adabiyoti darsligimiz, yuqorida ta’kidlab o‘tganimizdek, zamon, davr talabiga mos sog‘lom, o‘qimishli, dono, tadbirkor, elsevar avlodni tarbiyalashga bel bog‘lagan kasb-hunar o‘quvchilari uchun yaratildi. Darslik xalq og‘zaki ijodi, bolalar kitobxonligi, o‘zbek bolalar adabiyoti, chet el bolalar adabiyoti (obzorlar)dan tashqari, mamlakatimiz va jahon bolalar adabiyotida eng ko‘zga ko‘ringan yozuvchilarning hayot yo‘llari, ijodlari tahlilini o‘z ichiga oladi.