Ўтган аср бошидаги маърифатчилик ҳаракатида фаол иштирок этган алломаларимиз орасида Ҳожи Муиннинг ҳам ўз ўрни бор. У ўзининг бугун умрини миллат равнақи ва озодлигига бағишлади. Ўз устози Маҳмудхўжа Беҳбудий ёнида меҳнат қилди, унинг издошига айланди. Ўқитувчилик қилди. Шеърлар битди, пьесалар яратди, ҳажвиялар, публицистик мақолалар ёзди, таржимонлик билан шуғулланди, муҳаррирлик лавозимларида ишлади. Ҳожи Муин ҳам бошқа маърифатпарварлар қаторида бир неча бор қамалди, қатағон қурбонига айланди. Мазкур сайланманинг биринчи нашрида Ҳожи Муиннинг публицистик мақолалари ҳамда ҳажвий асарлари ўрин олган эди. Тўлдирилган иккинчи нашрида унинг қаламига мансуб бир неча мақолалари ва учта драмаси киритилди. Драмалар таниқли олим Бойбўта Дўстқораев томонидан табдиқ қилинди ва уларга изоҳлар берилди.